Peqqissaanermik Ilinniarfik pillugu

Peqqissaanermik Ilinniarfik inuussutissarsiutinut sammivilimmik ilinniarfiuvoq peqqinnissaq pillugu ilinniartitaanernik assigiinngitsunik neqerooruteqartoq. 

Ilinniarfik Nuummiittoq Peqqissaasutut ilinniartitaanermi Peqqissutsimullu Ilisimatusarnermi Institutti-mik kiisalu peqqinnissaqarfiup Ilinniartitaanermut Inerisaanermullu immikkoortortaqarfianik immikkoortortaqarpoq.

Ilinniartitaanerit neqeroorutaasut:

  • Portøritut annaassiniartartoq, peqqinnissakkut sullissisoq, peqqissaanermi ikiorti, sundhedsassistenti
  • Klinikassistenti, kigutigissaasoq.
  • Ilinniartitaanerit allat ilaatigut meeraaqqanut siunnersorti, innuttaasunik toqqaannartumik sullissisut

Ilinniartitaanerit saniatigut pikkorissaanerit/ilinniaqqinnerit immikkullu ilisimasalittut ilinniartitaanerit neqeroorutigaagut. 

Sulisut

Ilinniarfik katillugit 22-inik sulisoqarpoq.

  • Ilinniarfik pisortamit aqunneqarpoq. Ilinniarfiup immikkoortui ulluinnarni allatseqarfimmit immikkut aqutsisulimmit, ilinniarnermut tunngatillugu allaffeqarfimmi fuldmægtigimit saaffiginnittarfimmilu sulisumit allaffissornikkut sullinneqarput.
  • Immikkoortortat teknikkimut sullissinermullu tunngasut pedel-imit, qarasaasiarsornermut tunngasunik ingerlatsisumit kantiinamilu sulisunit isumagineqarput. 
  • Tamatuma saniatigut Peqqissaanermik Ilinniarfik paasissutissiisartumik atuakkanillu atorniartitsisartumik sulisoqarpoq. 

Aaqqissuussaaneq

Peqqissaanermik Ilinniarfik aaqqissuussaanikkut pisortat ataanni siulersuisoqarluni namminersorluni ingerlasuuvoq. Ilinniarfik Ilinniartitaanermut, Ilisimatusarnermut, Kultureqarnermut Ilageeqarnermullu Naalakkersuisoqarfiup ataani inissisimavoq. Ilinniarfiup pisortaa aqutsinikkut aningaasaqarnikkullu siulersuisut ataanni inissisimavoq. 

Aqutsineq

Aqutsisut tassaapput:

  • Ilinniarfiup pisortaa
  • Pisortap tullia, pikkorissaanermut immikkullu ilisimasalittut ilinniartitaanernut immikkoortortamissaaq aqutsisuusoq 
  • Allaffimmi aqutsisoq

Sulisut sunniuteqaqataanerat

Ilinniarfimmi suleqatigiinnermut ataatsimiititaliami ataatsimiittarnerit ukiumut tallimat missiliorpaat. Ataatsimiinnerni taakkunani sulisut tamakkerlutik peqataasarput.

Ilinniarnermi avatangiisit

Ilinniarnermi avatangiisit ilinniarfinnut allanut sanilliullutik inuttut inooqatigiinnermut pitsaasumik sunniuteqarput, ilinniarfiullutik, inerisarfiullutik kiisalu pisussaaffiliillutik taamaalillutillu isumassarsinarlutik unammillersinnaassuseqarlutillu.