Peqqissaanermik Ilinniarfik- ilinniartunit, pikkorissartunit, ilinniartitsisunit avataaneersunit sulisunillu malinneqartussanik- ilinniarnermut qanorlu pissuseqarnissamut tunngasunik malittarisassaqarpoq.

Qanoq pissuseqarnissaq

Illumik atuisut atoriikkanik ittujaarsuinissaq allallu eqqarsaatigalugit ajunngitsumik pissusilersornissaq pisussaaffigaat.

Atuakkanik atorniartarfik

Illumik atuisut kisimik atuakkanik atorniarsinnaapput.

Ini timigissartarfik

Ini timigissartarfik Peqqissaanermik Ilinniarfimmi ilinniartut sulisullu kisimik atorsinnaavaat. Avataaneersunik ilalerluni timigissartoqarsinnaanngilaq. Timigissaatit atoreerneranni tamatigut eqqiarneqassapput.

Pinngitsoorani takkutarnissaq

Ilinniartut ilinniartitsinermi takkullutik peqataanissamut, ilinniartitsinernut piareersarnissamut allattariarsukkanillu tunniussinissamut pisussaaffeqarput.

Ilinniartitsineq aallartitsinnagu napparsimaneq oqarasuaatikkut Peqqissaanermik Ilinniarfimmi allatsimut nalunaarutigineqassaaq.

Takkutinnginneq patsisaa suugaluarpalluunniit nalunaarneqassaaq.

Pujortarneq

Peqqissaanermik Ilinniarfik pujortarfiunngilaq. Taamaammat pujortartartut ilinniarfiup pisoqartaata nutaartaatalu akornanni silamut innersuunneqarput. Kimmivikunik maangaannaq igitsisoqassanngilaq. Taakku arsakoorfinnut inissitanut iginneqassapput.

Ikiaroornartut imigassarlu

Aanngajaarniutinik atuisut aalakooratillu ikiaruussanngillat. Peqqissaanermik Ilinniarfiup illutaani eqqaanilu imigassamik aanngajaarniutinillu allanik atuineq, tuniniaaneq allatigullu tamakkulerineq inerteqqutaalluinnarpoq.

Ilinniarnermut qanorlu pissuseqarnissamut maleruagassat tamakkiisut uani atuakkit