Peqqissaanermi ikiorti sulerisarpa?

Inuunerup naleqassusaa pitsaanerpaaffissaaniitinniarlugu innuttaasup imminut ikiorsinnaajuarsinnaanissaanut piginnaasaminillu inerisaasinnaanissaanut piginnaanngorsar-lugulu tapersersussavat.

Innuttaasup ulluinnarni suliarisartagaanik- soorlu imminut eqqiarnermut-, illumi suliassanut- ilaatigut eqqiaanermut-, errorsinermut-, niuerniarnermut kiisalu nerisat peqqinnerlu pillugit ilitsersuinermut nerisassiornermullu tunngasunut- ikiuinissamut ilinniassaatit. Taamaalillutit suliassatigut ikiorsiissaatit tunngaviusumillu peqqissaanermik suliaqassallutit.

Peqqissaanermi ikiortitut utoqqarnik, napparsimasunik imal. innarluutilinnik qanimut sullississaatit. Inuit aliasuutaat aammattaarli nuannaarutaat inuunissamullu piumassu-seqassusaat qanimut misigisaqarfigissavatit. Taamaammat inunnik oqaloqateqarsinnaallutillu tusarnaarsinnaassaatit.

Ilinniartunngorsinnaassaguit meeqqat atuarfianni kalaallisut D-mik qallunaatut D-mik matematikkimilu E-mik karakteereqarlutit angusisimassaatit.

Ilinniarnermut tunngatillugu allaffeqarfik qinnuteqarnissamut-, ilinniagaqarnersiuteqarsinnaanermut-, kollegiamiissinnaanermut-, nalinginnaasunillu allanik apeqqutigisinnaasannut tunngatillugu paasissutissiissaaq.

Peqqissaanermi ikiortitut ilinniarneq ukiup aappaa qeqqanik sivisussuseqarpoq. Ilinniarneq sap.ak. arfineq marlunni atuagarsornermik aallarnerneqartarpoq. Tamatuma kingorna sap.ak. qulit sulinermik sungiusarneq, sap.ak. 20-it atuagarsorneq, sap.ak.30-it sulinermik sungiusarneq, sap. ak. arfinillit atuagarsorneq allattariarsukkamik suliaqarner-mik soraarummeernermillu naggaserneqartoq.
Atuagarsorneq Peqqissaanermik Ilinniarfimmi Nuummiit-tumi ingerlanneqassaaq.

Ilinniartussatut akuerisaaguit illoqarfigisanni sulinermik sungiusarsinnaanissat Peqqissaanernik Ilinniarfiup sapinngisamik qulakkeerniassavaa. Sulinermik sungiusar-ninni peqqinnissaqarfimmi kommunimilu angerlarsimaf-finni peqqissaaneq ikiorteqartitsinerlu ilisimasaqarfigilis-savatit. Sulinermik sungiusarnerpit nalaani sungiusaasoqar-tinneqassaatit peqqissaanermillu Ilinniarfimmi attavigisarta-gaqartinneqassallutit.