Isumaginninnermut- peqqinnissamullu tunngatillugu sullissinerup iluani ilinniagartuutut ilinniartitaaneq tassaavoq ilinniartitaaneq ingerlariaqqiffiusoq sivikitsoq, ilinnut inunnik inuttut atukkatigut peqqissutsikkullu ajornartorsiutilinnik sullitalimmut naapertuuttoq.

Ilinniartitaanermi isumaginnittoqarfimmi Peqqinnissaqarfimmilu ilinniakkat pisortaqarfiillu akimorlugit suliaqarneq suleqatigiinnerlu immikkut ukkanneqarlutillu sammineqassapput, isumaginninnermut peqqinnissamullu tunngatillugu, maanna siunissamilu suliassanik inerisaanissaq isumaginninnissarlu siunertaralugit, piginnaasavit inerisarnissaat ukkanneqassallunissaaq.

 

Ilinniagartuutut ilinniartitaaneq sammitinneqarpoq

• Naapertuuttumik inuussutissarsiutinut sammititamik ilinniagalinnut.
• Ilinniarnertuunngorniaffimmi ilinniarsimasunut imal. qaffasissumik akunnattumik sivisussusilimmik ilinniagalinnut.

Minnerpaamik ukiuni marlunni naapertuuttumik sulinermik misilittagaqassaatit isumaginnittoqarfimmilu/peqqinnissaqarfimmilu suliffeqassallutit.

Ilinniartitaaneq piffissaq tamakkernagu ilinniartitsinertut aaqqissuunneqassaaq, katillugillu ECTS-pointinik 60-inik naleqassalluni.

Ilinniagartuutut ilinniartitaaneq tamakkernianngikkukku modulikkuutaarlugit qinnuteqarnissamut periarfissaqarputit. Ilinniarnerup aaqqissugaanera tamakkerlugu, una toorlugu atuaruk

Nalinginnaasut

Ilinniagartuutut ilinniartitaaneq modulinik arfinilinnik immikkoortortaqarpoq, taakkunannga marluk pinngitsoorani peqataaffigineqartussaallutik, pingasut nammineq toqqarneqarsinnaallutik kiisalu naggataarutaasumik moduli pinngitsoorani peqataaffigisassaalluni. Ilinniagartuutut ilinniartitaaneq ukiut sisaata affaata iluani naammassineqassaaq.

Modulit nammineq toqqarsinnaasat meeqqanut inuusuttunullu tunngapput.

Modulit tamarmik immikkut sivisussuseraat ullut piareersarfiit marluk ullullu ilinniartitsiviit qulit.

Moduli toqqarneqarsinnaasoq: 22 februar – 5. marts 2024 (Moduli toqqarneqarsinnaasoq- Tarnikkut nappaatittamatumunngalu atatillugu inuup ineriartornera, tarnikkut nappaatit pillugit ilinniarneq nakorsaariaatsillu)

 

Moduli siulleq: 23. maj – 03. juni 2024 (Moduli siulleq pinngitsoorani peqataaffigisassaq)

 

Moduli toqqarneqarsinnaasoq: 28.august – 10. september 2024 (Moduli toqqarneqarsinnaasoq- Timikkut- tarnikkut inuttullu atukkatigut piginnaanngorsaqqinneq- tarnikkut inuttullu atukkatigut ajornartorsiutinit aniguinissamut sammititaq)

 

Moduli toqqarneqarsinnaasoq: 23. oktober – 5.november 2024 (Moduli toqqarneqarsinnaasoq- Peqqinnissaq pillugu ilinniartitsineq)

Peqataaneq

Modulini peqataaneq akeqanngilaq.

Angalanissaq ineqarnerlu Peqqissaanermik Ilinniarfimmit isumagineqassapput.

Atuakkanut aningaasartuuteqarnissaq naatsorsuutigineqassaaq

Ilinniartitsineq danskisut ingerlanneqassaaq.

 

Paasissutissat sukumiinerusut Peqqissaanermik Ilinniarfik, e-mail: pipost@nanoq.gl attaveqarnikkut pissarsiarineqarsinnaapput.

Kursusdata

Kursusevents

---

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.