Sulisut katsorsartinnissamut kajumissaarsinnaanissaannutpiginnaasanik inerisaanissaq kajungeraajuk soqutigalugulu?

Peqqissaanermik Ilinniarfimmi aanngajaarniutinik aningaasanoornermillu pinngitsuusinnaajunnaarsimasut  pingaarnertut attavittut ilinniartitaanermi tamatumunnga periarfissaqalissaatit

Pingaarnertut attavittut ilinniartitaanermisuna siunertaava?

Ilinniartitaanermi ilinniagallit aanngajaarniutinik aningaasanoornermillu pinngitsuuisinnaannginnernik assigiinngitsunik takunnillutillu paasinnissinnaanngorlugit, katsorsartinnissamut kajumissaarisinnaanngorlugit nunatsinnilu katsorsaasarneq pillugu ilisimasanik siammarterinissaannik ilinniartitsinissaq siunertaapput. Aanngajaarniutinik atornerluisunik katsorsaasutut ingerlariaqqinnissamik kissaateqartunik, atornerluisut pingaarnertut attaviannik ilinniartitsinissaq siunertaavortaaq.

Ilinniarneq naammassigukku illit nammineq suliffinni pinngitsuuisinnaajunnaarsimasut pingaanertut attavittut, innuttaasut aanngajaarniutinik aningaasanoornermillu pinngitsuuisinnaajunnaarsimasut pisariaqartitaminnik ikiorneqarnissaannut peqataasinnaavutit. Ilinniartitaaneq ullunik atuartitsivinnik aqqanilinnik sivisussuseqarpoq.

 

Pingaarnertut attavittutilinniartitaaneq kikkunnut saaffiginnissutaava?

Peqqinnissaqarfimmi, ulloq unnuarlu paaqqinniffinni, ilinniarfinni, kommunini ingerlatsivinni suliffeqarfinnilu namminersortunit ingerlanneqartuni ilinniagallit tamarmik, ilinniartitaanermi peqataasinnaasutut saaffigineqarput. 

Ilinniarneq naammassippat aanngajaarniutinik aningaasanoornermillu pinngitsuuisinnaanngitsunut pingaarnertut attavinngussaatit katsorsaasutullu ilinniartussatut qinnuteqarnissamut periarfissaqalissallutit.

 

Ilinnialernissamut piumasaqaatit:  Assersuutigalugu isumaginninnermut, perorsaanermut peqqinnissamulluunniit tunngatillugu ingerlaqqiffiusumik naapertuuttumik ilinniagaqarneq.

Ilinniagallit allat, allamik aanngajaarniutinik aningaasanoornermillu pinngitsuuisinnaannginnermik katsorsaanermik suliaqartut naapertuuttumik ilinniagaqarsimaneq misilittagaqarnerluunniit uppernarsaatissaqarpat, immikkut naliliivigineqarnikkut ilinnialernissamik neqeroorfigineqarsinnaassapput.

 

Pissutsit nalinginnaasut

Aanngajaarniutinik aningaasanoornermillu pinngitsuuisinnaanngitsut  attaviattut ilinniartitaaneq Nuummi Peqqissaanermik Ilinniarfimmi

29. oktober – 10. november 2024 aallartinneqassaaq.

Ilinniartitaanermi ulluni tamani peqataaneq; ilinniartitsinermi atortut, ullaap tungaa, ulloqeqqanut ualikkullu nerisaqarneq ilanngullugit, akeqanngilaq.

Ilinniartitaanermut atatillugu angalaneq ineqarnerlu peqataasussamit /sulisitsisumit isumagineqassapput.

 

Ilinniartitsineq qallunaatut ingerlanneqassaaq

Maluginiagassaq: Qinnuteqaatit suliarineqassaaq ilinnialersinnaanermullu akuerineqarnissaq akuerisaalluni allagarsereernikkut aatsaat qulakkeerneqassaaq.

Qinnuteqaativit sulisitsisunnit tunngavilersorneqarnissaa eqqaamajuk.

Kursusdata

Kursusevents

---

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.