Isumaginninnermut Naalakkersuisoqarfik suleqatigalugu Peqqissaanermik Ilinniarfimmi inunnik piginnaanikillisimasunik paaqqutarisarialinnillu tungiuinermik peqqissaanermillu pikkorissaasoqalerpoq. Namminersorlutik Oqartussat paaqqutarisarialinnut ulloq unnuarlu angerlarsimaffiutaani sulisut ilinniarsimasut ilinniarsimanngitsullu, kommuninilu najugaqatigiiffinni sulisut qinnuteqarsinnaapput.

 

Siunertaq:

• Najugaqatigiiffinni najugaqartunut timiminnik atuilluarsinnaanngitsunut, uninngaannarnerup navianaataanik pitsaaleeqataanissaq anguniarlugu, paaqqutarineqarnissaat tungiorneqarnissaallu kiisalu sulisut sulinermut atatillugu ajoqusinnginnissaat anguniarlugu pitsaaliuinissaq.

• Inoqatinik isiginnittaatsip ileqqorissaarnerullu tungiuinermi paaqqutarinninnermilu pingaaruteqassusaannik sulisut paasinninnissaat, kiisalu imminut tungiorsinnaanerup annertusarnissaa anguniarlugu, tungiuinerup paaqqutarinninnerullu inuit ataasiakkaat piginnaasaat ajornartorsiutaalu tunngavigalugit, aaqqissuuneqarnissaata pingaassusaanik paasinninnissaq.

Uninngaannarnerup navianaataanik, sulinermi ajoqusernaveersaarnissamik timimillu atuinissamik ilinniartitsinermi anguniagassatut siunniussat.

-          Uninngaannarnermi suut kingunerluutaasinnaanerat, taakkulu peqqissaanikkut qanoq pitsaalinissaannut peqataasinnaanerup pikkorissartumit ilisimasaqarfigineqalernissaa.

-          Napparsimasumik nikisitsinermi periutsit ajornaatsut pikkorissartumit ilisimasaqarfigineqalernissaat iluaqusersuutinillu tamatumunnga atugassianik atuisinnaalernissaq.

-          Uninngaannarnerup timimut nalinginnaasumik sunniutaasa pikkorissartumit ilisimasaqarfigineqalernissaat

-          Uninngaannarnerup kingunerluutaanik pitsaaliuinerup pikkorissartumit ilisimasaqarfigineqalernissaa

-          Innuttaasumik uninngaannartumik nammineertitsilluni ikiuillunilu sungiusaanerup pikkorissartumit ilisimasaqarfigineqalernissaa

-          Innuttaasumut uninngaannartumut nerisat pingaaruteqassusaasa pikkorissartumit ilisimasaqarfigineqalernissaat

Tungiuinermi peqqissaanermilu anguniagassatut siunniussat.

-          Inoqatinut isiginnittariaatsip ileqqorissaarnerullu pikkorissartumit paasineqarnissaat.

-          Tungiuinerup imminullu tungiornerup pikkorissartumit paasineqarnissaat.

-          Maslowip inuup pisariaqartitaanik tulleriinnilersuinerata pikkorissartumit ilisimasaqarfigineqalernissaa.

-          Innuttaasup nukiisa ajornartorsiutaasalu pikkorissartumit paasineqarnisaat taakkulu tungiuinermi peqqissanermilu atorneqarsinnaanissaat.

 

Suleriaaseq:

Pikkorissaasumut saqqummiussineq, eqimattakkuutaarluni suliaqarneq, fagit atuartitsissutaasut tunngavigalugit eqimattani minnerusuni saqqummiussineq. Inimi sungiusartarfimmi sulianik sungiusarneq.

Attavissaq:

Immikkoortortami aqutsisoq Olga P. Berthelsen

Oqarasuaat: 349964

E-mail: cfspost@nanoq.gl