Kalaallit Nunaanni peqqissaasoq Ph.d- nngorniumminik illersuisoq siulleq.

Pingasunngornermi septembarip ulluisa 17-anni peqqissaasup cand. mag-ip Tine Aagaard-ip Ph.d-nngorniutini ”Nappaateqarneq ulluinnaralugu – Kalaallit Nunaanni peqqinnissamut tunngatillugu pissutsit kulturip tungaanit isigalugit” Peqqissaasutut Ilinniartitaanermi Peqqissutsimullu Ilisimatusarnermi Instituttimi illersorpaa.

Tine Aagaard-ip Peqqissaasutut Ilinniartitaanermi Peqqissutsimullu Ilisimatusarnermi Instituttimi ilinniarnini piffissaliussap iluani naammassivaa.

”Kalaallit Nunaanni peqqissaanerup oqaluttuarisaanerani ulloq pingaartoq”- taama oqarpoq Instituttimi pisortaq Suzanne Møller. Peqqissaanermi ilisimatusarnermi kalaallit napparsimasut qitiutinneqarnerat peqqissaasunngornianik ilinniartitsinermi sulinermilu pingaarutilimmik tunniusseqataavoq–Kalaallit Nunaanni peqqinnissaqarfimmi pitsaasumik ilisimatuussutsikkullu paasisanik tunngaveqartumik peqqissaanissamik qulakkeerinissaq siunertaavoq.

Tine Aagaard ilisimatuumit Lise Hounsgaard-imit Ilisimatusarfimmi Peqqissaasutut Ilinniartitaanermi Peqqissutsimullu Ilisimatusarnermi Instituttimeersumit Syddansk Universitetimeersumillu ilitsersorneqarpoq.

Tine Aagaard, pingaarnertut siunnersuisua Lise Hounsgaard naliliisartoqatigiillu

Lektori soraarneq Bodil Maria Pedersen, ilisimatooq Torunn Hamran, ilisimatooq Lise Hounsgaard, Cand. Mag. Tine Aagaard ilisimatoorlu Peter Berliner