Peqqissaanermik Ilinniarfimmi ilinniarnermut tunngatillugu allaffeqarfimmi fuldmægtigitut atorfik inuttassarsiuunneqarpoq.

Qitiusumik tunngaviusumik ilinniartitaanermut immikkoortortaqarfimmi allaffissornikkut tamakkiisumik isiginnissinnaasoq kontorfuldmægtigimik suleqatissarsiorpugut.

Juni-ip aallaqqaataani 2019, immikkullut isumaqatigiissuteqarnikkulluunniit atorfinittussamik pissarsiorpugut.


Atorfik:
Makku suliassatut naatsorsuutigineqarsinnaapput:
- Ilinniagaqarnersiuteqarneq pillugu nalunaarut naapertorlugu sulianik ingerlatsineq
- Atuanngitsoortunik nalunaarsuineq naatsorsueqqissaarnerlu
- Ilinniartunik kiffartuussineq
- lectio
- Ilinniarneq pillugu siunnersuisumik allaffissornikkullu ingerlatsinermi sulisunik allanik suleqateqarneq.

Naatsorsuutigaarput:
- EVU/HK allaffissornermulluunniit tunngatillugu allamik ilinniagaqarsimanissat
- Allaffissornikkut ingerlatsinermik misilittagaqarnissat
- Qarasaasiarsorsinnaanissat
- Sulerusussuseqartuunissat/isumassarsiullaqqissuunissat, nammineersinnaassuseqartuunissat akisussaassuseqartuunissallu
- Illugiinnik kalaallisut qallunaatullu oqaaseqartuunissat

Aningaasarsiatigut atorfinitsitaanermilu atugassarititaasut:
Akissarsiat atorfininnermilu atugassarititaasut, tamatumunnga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerullu nalaani atuuttut naapertorlugit ingerlanneqassapput.

Sap. ak. nal. ak. 40-it suliffiupput

Ineqarneq:
Atorfininnermut atatillugu inissamik neqeroortoqanngilaq. Namminersorlutik Oqartussani atorfeqarnermut atatillugu inissamik innersuunneqarsimasut inigisartik pigiinnarsinnaavaat.

Paasissutissat sukumiinerusut:
Atorfik pillugu sukumiinerusumik paasisaqarusukkuit Peqqissaanermik Ilinniarfiup pisortaa Lisa Ezekiassen oqarasuaatikkut: 349950/349953, e-mailikkut: lie@nanoq.gl imal. allaffimmi aqutsisoq Johanne Jørgensen oqarasuaatikkut: 349950/349956, e-mailikkut: jjor@nanoq.gl attavigisinnaavat.

Kalaallit Nunaat Namminersorlutillu Oqartussat pillugit sukumiinerusumik paasisaqarusukkuit nittartakkami www.nanoq.gl - mi qulequttap Atorfiit nalaani alakkaasinnaavutit.

Qinnuteqaat:
Qinnuteqarfissatut killiliussaq: 29. April 2019

Qinnuteqartunik oqaloqateqarnissaq sap. ak. 18-mi pisussatut naatsorsuutigineqarpoq.

Namminersorlutik Oqartussat naatsumik oqaatigalugit
Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulaaluanut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.
Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.