Atorfik marsip aallaqqaataani immikkulluunniit isumaqatigiissuteqarnikkut inuttassarsiuunneqarpoq. Peqqissaanermik Ilinniarfik tunngaviusumik peqqinnissakkut ilinniartitaanernut inuussutissarsiutinut qitiusumik ilinniarfiuvoq, tassaniipputtaaq Peqqissaasut Ilinniartitaanerannut Peqqissutsimullu Ilisimatusarnermut Institutti. Atorfillit inuttut ilinniakkatigullu inerisarnissamut pitsaasunik periarfissaqarput. Suliffeqarfipput - brancheskolitaani 25-it missaannik katillugillu 35-inik sulisoqartoq ingerlalluartuuvoq. Inuussutissat pillugit Siunnersuisoqatigiit innersuussutaat naapertorlugit sulivugut namminerlu najoqqutaqarluta.

Kajungerigukku

  • Økonomarput suleqatigalugu nerisaqarneq pillugu politikkitut aalajangersagaasoq tunngavigalugu ilinniartut, pikkorissartut, ilinniartitsisut sulisullu allat ulluinnarni nerisasaannik isumaginninneq.
  • Pikkorissaanerni- ilinniarnermi sulinermilu pitsaasunik avatangiiseqartitseqataaneq

Igaffik kantiinalu nutaanerusut ulluinnarnilu suliat assigiinngiiaartut neqeroorutigaagut.

Piginnaasat

Inuussutissalerinermut tunngasumik ilinniagaqarneq, ataatsimoorluni sulianik naammassinninnissamut kajumissuseqarneq pimoorussinerlu. Aalajaatsuuneq, eqaatsumik periuseqarneq akisussaassuseqarnerlu. Aningaasanik nukinnillu atuinermut ilisimaarinninneq. Illugiinnik ( kalaallisut qallunaatullu )oqaaseqarneq iluaqutaassaaq

Sap. ak. nal. ak. suliffissat: 40

Ineqarneq

Atorfik inissamik neqeroorutitaqanngilaq. Qinnuteqartup Namminersorlutik Oqartussani atorfeqarnermut atatillugu ineqareersup inissamik innersuunneqarsinnaaneq attatiinnassavaa. Sulisutut inissiaq atorfininnermut atassuteqarpoq atorfimmiillu soraarnermi qimanneqassalluni.

Paasissutissat allat

Atorfimmut tunngasut pillugit paasissutissat sukumiinerusut ilinniarfiup pisortaanut Lisa Ezekiassen-imut oqarasuaatikkut: 349953, e-mailikkut: lie@nanoq.gl imal. allaffimmi aqutsisumut Johanne Jørgensen-imut oqarasuaatikkut: 349956, e-mailikkut: jjor@nanoq.gl attaveqarnikkut pissarsiarineqarsinnaapput.

Kalaallit Nunaat Namminersorlutillu Oqartussat pillugit annertunerusumik paasisaqarusukkuit nittartakkami www.nanoq.gl -imi atorfiit pillugit immikkoortoq alakkarsinnaavat.

Qinnuteqaat

Qinnuteqarfissaq kingulleq 5. januar 2018

Qinnuteqartunik oqaloqateqarnissap sap. ak. aappaanni pinissaa naatsorsuutigineqarpoq.