Ataatsimut isiginnissinnaasumik, ilinniartuutitsinnik ilitsersuisinnaasumik ilinniagarlu pillugu siunnersuisarfimmi allaffissornikkut sullissisunut allanut ulluinnarni aqutsisutut ilaanissamut kajungertumik, allaffissornikkut ingerlatsivitsinnut immikkoortortami aqutsisussamik pissarsiorpugut.

Atorfiniffissaq 1. december immikkulluunniit isumaqatigiissuteqarnikkut.

 

Atorfik

Makku suliassatut naatsorsuutigineqarsinnaapput:

  • Ilinniakkani assigiinngitsuni ilinniartunik ilitsersuineq
  • Ilinniartunik ilitsersuinermi suliassat inerisaanermut tunngasut
  • Ilinniartunik kiffartuussinermut tunngatillugu allaffissornikkut ingerlatsinermi suliassat
  • Allaffissornikkut ingerlatsinermi sulisunut allanut aqutsinermut atatillugu suliassat
  • Naatsorsuuserinermik ilisimaarinninneq.

 

Naatsorsuutigaarput:

  • HK allaffissornermulluunniit tunngatillugu allamik ilinniagaqarsimanissat
  • Allaffissornikkut ingerlatsinermik assingusumik misilittagaqarnissat
  • Qarasaasiarsorsinnaanissat
  • Sulerusussuseqartuunissat/isumassarsiullaqqissuunissat, nammineersinnaassuseqartuunissat akisussaassuseqartuunissallu
  • Kiffartuussiumassuseqarnissat, aaqqissuussamik suleriaaseqarnissat suleqatiginnikkusussuseqarnissallu
  • Illugiinnik kalaallisut qallunaatullu oqaaseqartuunissat

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut, atorfininnerup nalaani atuuttut naapertorlugit aalajangersarneqassapput.

Sap. ak. nal. ak. 40-it suliffiupput.

 

Ineqarneq

Atorfininnermut atatillugu inissamik neqeroortoqanngilaq. Namminersorlutik Oqartussani atorfeqarnermut atatillugu inissamik innersuunneqarsimasut inissaqartinneqarnissamut pisinnaatitaanertik attatiinnassavaat.

 

Paasissutissat allat

Atorfik pillugu sukumiinerusumik paasisaqarusukkuit Peqqissaanermik Ilinniarfiup pisortaa Lisa Ezekiassen oqarasuaatikkut: 349950/349953, e-mailikkut:lie@nanoq.gl imal. allaffimmi aqutsisoq oqarasuaatikkut Johanne Jørgensen: 349950/349956, e-mailikkut: jjor@nanoq.gl attavigisinnaavat.

 

Kalaallit Nunaat Namminersorlutillu Oqartussat pillugit sukumiinerusumik paasisaqarusukkuit, www.nanoq.gl - qulequttap Atorfiit nalaani alakkaasinnaavutit. 

Qinnuteqaat

Qinnuteqarfissaq kingulleq:12. Oktober 2018

 

Qinnuteqartunik oqaloqateqarnissat sap. ak. 42 pinissaat naatsorsuutigineqarpoq.   

 

Namminersorlutik Oqartussat naatsumik oqaatigalugit

Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulinut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.

Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.