Ilisimatuutut atorfinitsitaanermut atatillugu oqalugiaatit 9. maj
Ilisimatuutut atorfinitsitaanermut atatillugu oqalugiaatit Ilimmarfiup inersuaani tallimanngorneq 9. maj nal. 13-16
Nal. 13.00 Tikilluaqqusineq
Nal. 13.05 Ilisimatuutut atorfinitsitaanermut atatillugu oqalugiaat/Ilisimatooq Lise Hounsgaard
Peqqissaasutut Ilinniartitaanermi Peqqissutsimullu Ilisimatusarnermi Institutti
Qulequtaq: Peqqissaanermi ilisimatusarneq nunatsinni allaqqussassaajunnaarpoq
Peqqissaasutut Ilinniartitaanermi Peqqissutsimullu Ilisimatusarnermi Instituttimi ilisimatusarnikkut ilinniartitaanermut tunngatillugu suliniutit oqalugiaammi itisiliivigineqarput ilisimatusarnermilu suliniutit ilinniagaqassuseq tunngavigalugu Kalaallit Nunaanni peqqinnissakkut sullissinermi ajornartorsiutinik aallaaveqartut- pingaartumik ilisimatusarfiginiakkat tikillugit paasissutissanik katersineq- ilisimatusarnermi periaaserineqarput. Tamatuma saniatigut Instituttimi ilisimatusarnermi aqutsisutut ilisimatuutullu, nakorsatut sulinermut qanittumik atorneqarsinnaasumillu ilisimatusarnermut akisussaasutut qanoq pisoqarumaarnissaanik siulittuisartoq alakkarpara.
Nal. 13.45 Atorfininnermut atatillugu oqalugiaat/ Ilisimatooq ilisimatusarfimmi ilinniartitsisuusartoq Peter Bjerregaard
Kalaallit Nunaanni Peqqissutsimik Ilisimatusarfik
- Qulequtaq: Kalaallit Nunaanni ukiuni 35-ini innuttaasut peqqissusaannik ilisimatusarneq
Oqalugiaat Kalaallit Nunaanni ilisimatusarnerup silarsuaani nunataanilu inuttut angalaneruvoq. Innuttaasut peqqissusaat sammisaavoq atitooq, ilinniagartuutullu qaffasissumik ilinniarfimmut akissarsiaqaatiginagu atorfeqalerlaamut
Kalaallit Nunaanni innuttaasut peqqissusaannik ilisimatusarnermut annertuumut nuannaarutigisaminik akisussaaffeqarpoq. Tamanna Upernavimmi aallartippoq tamatumalu nalaani nunatsinni nakorsaanerusoq piaarinaatsoornikkut aallarniisuuvoq. 1980-ikkunni suut toqussutaasarnerat misissuinerni qitiutinneqarpoq; 1990-ikkunni Peqqissutsimut pisortaqarfinngorlaaq peqatigalugu innuttaasut peqqissusaannik misissuisitsinermut tunngatillugu suleqatigiinneq pilersinneqarpoq; 2000-ikkunni suleqatigiinneq taanna annertusarneqarpoq aaqqissuunneqarlunilu, 2010-kkunnilu Inuuneritta, pissusilersuutit peqqissutsimut sunniuteqarnerlussinnaasut tarnikkullu peqqissuseq ukkanneqalerput.
Nal.14.25 unillatsiarneq/kaffisorneq
Nal. 14.40 Atorfininnermut atatillugu oqalugiaat/ Ilisimatusarfimmi lektoritut ilinniartitsisuusartoq Henning Slot Pedersen
Kalaallit Nunaanni Peqqissutsimik Ilisimatusarfik
Qulequtaq: Kalaalimerngit – pingaartitat
Kalaallit qangaaniilli nerisartagaat kalaalimerngit qitiutillugit 1982-imiit uummalluutit, saarngit siggilasunngortarnerat, akuutissanit toqunartulinnit navianartorsiortitaaneq piffissamilu kingullermi silap pissusaata allanngoriartornera pillugit ilisimatusarnerup ineriartornera nassuiarneqarput. Nerisat avatangiisillu imminnut ataqatigiipput, minguitsumik imigassaqarneq avatangiisillu illup iluani silamilu minguitsut maanna siunissamilu peqqissutsimut pingaaruteqarluinnartuupputtaaq. Nerisat uumaatsulerinerlu pillugit ilisimatusarnerup peqqissutsimut ataasiakkaanut inuiaqatigiinnullu qanoq tunniussaqarsinnaanerat.
Nal.15.20 Atorfininnermut atatillugu oqalugiaat /lektoritut nakorsaanermik ilinniartitsisuusartoq Michael Lynge Pedersen
Kalaallit Nunaanni Peqqissutsimik Ilisimatusarfik
Qulequtaq: Kalaallit Nunaanni peqqinnissakut sullissineq pillugu ilisimatusarneq
Kalaallit Nunaanni peqqinnissaqarfimmi peqqinnissakkut sullissineq pitsaassutsimillu inerisaaneq oqalugiaammi qitiutinneqarput. Assersuusiornikkut peqqinnissaqarfimmi ilisimatusarnikkut ilinniartitaanikkullu iliuuserisat ersersinneqarput. Siunissami ilisimatusarnissamut, ilinniartitaanermut, piginnaasanik inerisaanermut pitsaassutsimillu inerisaanermut periarfissat annertusakkat erseqqissaavigineqarput.