Nuuk 19. maj 2014


Peqqissutsimut Pitsaaliuinermullu Aqutsisoqarfik suleqatigalugu utoqqarnik peqqissaanermik assistentinik ilinniartitsinerup 28.juli 2014-imi Peqqissaanermik Ilinniarfimmi neqeroorutaalernera nuannaarutigalugu nalunaarutigisinnaavarput. 

Siunertaq

Utoqqarnik peqqissaanermi assistentip innuttaasunik utoqqarnik utoqqarnillu tarnimikkut nappaatilinnik nammineerluni tunngaviusumik tungiuinermut peqqissaanermullu-, piartortunik isumaginninnermut-, peqqissuunissaq anguniarlugu suliniutinut pitsaaliuinermullu-, suliassanut nalinginnaasunut inummullu namminermut tunngasunut-, sammisaqartitsinermut piginnaanngorsaaqqinnermut ataqatigiissaarinermullu-, ilitsersuinermut ilinniaritsinermullu tunngasunik isumaginninnermut piginnaasaqalernissaa utoqqarnik peqqissaanermi assistentitut ilinniartitaanermi siunertaavoq.

Utoqqarnik peqqissaanermi assistentip innuttaasoq utoqqaq suliassaqarfigaa.

- innuttaasup utoqqaap utoqqaallu tarnimigut nappaatillip nukissai namminerlu aalajangersinnaassusaa ataqqillugit tunngaviusumik peqqissaanermi suliassanik isumaginninneq, suussusersineq, aaqissuussineq, iliuuseqarneq naliliinerlu.

-nammineerluni allanillu suleqateqarluni innuttaasumik utoqqarmik utoqqamillu tarnimigut tappaatilimmik tungiuninermut peqqissaanermullu tunngasunik suliaqarneq. Tamatumunnga atatillugu ilinniakkat akimorlugit suleqatigiinnermi peqataanissamut ilisimaarinninnermik ammaffiginninnermillu inerisaaneq.   

Immikkut ilisimasalittut ilinniartitaaneq makkununnga saaffiginnissutaavoq:

Sundhedsassistentitut ilinniarsimasut peqqinnissaqarfimmilu sulinermik ukiunik marlunnik misilittagaqartut.

Imarisai

Utoqqalineq utoqqalinermilu tarnikkut nappaatinik ilinniarneq immikkut ukkallugit, immikkut ilisimasalittut ilinniartitaanerup qiterisaa tassaavoq innuttaasoq utoqqalisoq. 

Ilusaa 
Atuagarsornertaa Peqqissaanermik Ilinniarfimmi ingerlanneqassaaq. Ilinniartitsinermi saqqumiussinerit, oqallinnerit, eqimattakkuutaarluni suliaqarnerit ataasiakkaarlunilu sungiusarnerit nikerartinneqassapput. Ilinniagassaqartarsinnaassaaq. 
Ilinniarnerup sulinermik sungiusarnertaa Nuummi sinerissamiluunnit utoqqaat illuanni ingerlanneqassaaq.

Taamaammat sulinermik sungiusarnerup nalaani nammineq najukkamiinnissap naatsorsuutigineqarsinnaannginnera pikkorissartut piareersimaffigissavaat.

Naliliivigineqarnera

  1. Sulinermik sungiusarneq angusiffiussaaq.
  2.  
    1. Ilinniarneq soraarummeernermik naggaserneqassaaq.



Paasissutissat nalinginnaasut

Ilinniartitaaneq katillugit sap. ak. 20-inik sivisussuseqartoq

2014-imi juulip ulluisa 28-anni aallartissaaq decembarillu ulluisa aqqaneq aappaanni naammassissalluni.

Atuagarsornerup imm. siulleq: 28. juli – 31. oktober 2014 Peqqissaanermik Ilinniarfimmi

Sulinermik sungiusarneq: 1. november – 30. november 2014

Atuagarsornerup imm. aappaat: 1. december – 12. december 2014 Peqqissaanermik Ilinniarfimmi. 

Nuummi ineqarnissaq Peqqissaanermik Ilinniarfiup isumagissavaa. Aapparisap meeqqalluunniit maani ineqatiginissaat periarfissaqanngilaq. Maleruagassat atuuttut naapertorlugit ullormusiaqartitsisoqassaaq, taamatuttaaq najukkamiit Nuummut uterlugulu akiliussisoqassaaq.

Akissarsiaqarluni sulinngiffeqarnissamut qinnuteqartoqassaaq. Akissarsiat nalingat Peqqissutsimut Pitsaaliuinermullu Aqutsisoqarfimmit utertinneqassaaq. Tamanna sundhedsassitentinut kommunini sulisunuttaaq atuuppoq. 

Qinnuteqarfissaq kingulleq: 13. juni

Qinnuteqaat (qinnuteqarnermi immersugassaq ilanngussaq takuuk) uunga nassiunneqassaaq:

Peqqissaanermik Ilinniarfik

Svend Jungep Aqq. 2

Postboks 1499,

3900 Nuuk

Paasissutissat allat: 
Paasissutissat allat pikkorissaanermi aqutsisoq Ane Marie Lauritsen e-mailikkut: anml@nanoq.gl, oqarasuaatikkut: 349971, imal. ilinniarfiup pisortaa Lisa Ezekiassen, e-mailikkut: lie@nanoq.gl, oqarasuaatikkut: 349953 attavigalugu pissarsiarineqarsinnaapput.

Kursusdata

  • Id: Immikkut ilisimasalittut ilinniartitaaneq

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382