Peqqissutsimut Pitsaaliuinermullu Aqutsisoqarfik suleqatigalugu 2016-imi februaarip ulluisa arfineq pingajuanni aallartinneqartoq. 

NASSUIAAT 

Siunertaq

Tarnimikkut nappaatilinnik sullissinerup tamakkiisup iluani suliaqarsinnaaneq siunertaralugu sundhedsassistentip ilinniagaqassutsikkut piginnaasaminik annertusaanissaa, tarnimikkut nappaatilinnik peqqissaanermi assistentitut ilinniartitaanerup siunertaraa.

 

Tarnimikkut nappaatilinnik peqqissaanermi assistentip suliassai.

Tarnimikkut nappaatilinnut ataasiakkaanut, ilaquttanut, ataatsimoortunut najukkamilu innuttaasunut sullissinerup iluani peqqissuunissaq anguniarlugu suliniuteqarneq pitsaaliuinerlu.

Nammineerluni allanillu naapertuuttunik ilinniagalinnik suleqateqarluni tarnimigut nappaatilik/sullitaq, qanigisaasut tarnimikkullu nappaatilinnut neqeroorutinik atuisut suleqatigalugit pilersaarusiorneq, iliuuseqarneq, ataqatigiissaarineq naliliinerlu.

Nammineerluni allanillu siuleqateqarluni tarnimigut nappaatillit/sullitat ataasiakkaat inuiaqatigiinni pisinnaatitaaffimminnik atuisinnaanissamut pisariaqartissinnaasaannik tapersersuillunilu tungiuineq.

 

Immikkut ilisimasalittut ilinniartitaasinnaasutut saaffigineqartut tassaapput: 

Sundhedsassistentitut ilinniarsimasut, peqqinnissaqarfimmi ukiuni marlunni sulisimanerminni misilittagallit. Tarnimikkut nappaatilinnik sullissisimaneq iluaqutaassaaq.

 

Imarisai:

Inuup tarnikkut ineriartornera inuunerissusaalu

Inuit immikkut pisariaqartitsisunik ilaqutallit

Tarnikkut nappaatit

Meeqqat tarnimikkut nappaataat

Tarnimikkut nappaatilinnik nappaat pillugu ilinniartitsineq

Inuit psinnaatitaaffii

 

Ilusaa

Ilinniarnerup atuagarsornertaa Peqqissaanermik Ilinniarfimmi ingerlanneqassaaq. Ilinniartitsinermi saqqummiussinerit, oqallinnerit, eqimattakkuutaarluni suliaqarneq ataasiakkaarlunilu sungiusarneq nikerartinneqassapput. Ilinniagassaqartarsinnaassaaq.

Ilinniarnerup sulinermik sungiusarnertaa najukkami tarnimikkut nappaatilinnik sullissivimmi, Nuummi Risskov-imi Aarhus Universitetshospital-ip kalaallinut tarnimikkut nappaatilinnut immikkoortortaqarfiani Aalborgimilu ingerlanneqassaaq. Sulinermi immikkut iliniagalimmik sungiusaasoqartitsisoqassaaq.

Pikkorissartut taamaalillutik sulinermik sungiusarnerup nalaani najukkamiinnatik Nuummiinnissaq Danmarkimiinnissarluunniit piareersimaffigisariaqarpaat. 

Naliliineq

  • Atuagarsornerup imm. siulleq allattariarsukkamik misilitsinnermik naggaserneqassaaq.
  • Ilinniarneq soraarummeernermik naggaserneqassaaq. 

 

Paasissutissat nalinginnaasut:

Immikkut ilisimasalittut ilinniartitaaneq katillugit sap. ak. 20-inik sivisussuseqarpoq.

2016-imi februaarip ulluisa arfineq pingajuanni aallartissaaq juunillu ulluisa 24-anni naammassissalluni.

Atuagarsornerup imm. siulleq 2016-imi februaarip ulluisa arfineq pingajuanniit apriilip ulluisa arfineq aappaannut Peqqissaanermik Ilinniarfimmi

Sulinermik sungiusarneq 2016-imi apriilip ulluisa arfineq pingajuanniit juunip ulluisa pingajuannut.

Atuagarsornerup imm. aappaat 2016-imi juunip ulluisa arfernanniit juunip ulluisa 24-annut Peqqissaanermik Ilinniarfimmi.

Ullut sulinermik sungiusarfissat atuagarsornerullu imm. aappaannut ulluliussat allanngortinneqarsinnaapput.

Nuummi Danmarkimilu ineqarneq Peqqissaanermik Ilinniarfiup isumagissavaa. Aapparisamik meeqqanilluunniit ilaqartoqarsinnaanngilaq. Maleruagassat atuuttut naapertorlugit ullormusiaqartitsisoqassaaq najukkamiillu Nuummut, Danmarkimut uterlugulu angalanissanut akiliussisoqassalluni.

Akissarsiaqarluni sulinngiffeqarnissaq qinnuteqaatigineqassaaq. Akissarsianut aningaasartuutit Peqqissutsimut Pitsaaliuinermullu Aqutsisoqarfimmit utertinneqassapput. Tamanna sundhedsassistentinut kommunini sulisunutttaaq atuuppoq. 

Qinnuteqarfissaq kingulleq: 4. november 2015 

Paasissutissat allat:

Paasissutissat allat immikkoortortami aqutsisoq Olga P. Berthelsen, e-mail: olga@nanoq.gl oqarasuaat: 349964 imal. ilinniarfiup pisortaa Lisa Ezekiassen, mail: lie@nanoq.gl oqarasuaat: 349953 attavigalugu pissarsiarineqarsinnaapput.

 

Kursusdata

  • Id: Psykiatrispecialisering

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382