**Qinnuteqartut tamarmik, aamma utaqqisuniittut misissorneqarumaarput.

Peqqissaanermik Ilinniarfimmi Systemisk Institut for Familieterapi (SIF) suleqatigalugu tarnikkut katsorsaasutut ilinniartitaanermik neqerooruteqaqqinnerput nuannaarutigalugu nalunaarutigisinnaavarput.

Tarnikkut katsorsaasutut ilinniartitaanikkut ataasiakkaanik, aappariinnik ataatsimoortunik ilaqutariinnillu katsorsaaneq piginnaaneqarfigilissavat. Ilinniartitaaneq kalaallit kulturiannut naleqqussagaavoq SIF-illu ilinniarnerup ingerlanerani ilisimasat saqqummiunneqartut nunatsinni atorsinnaanissaat eqqummaariffiginiarpaa.

Tarnikkut katsorsaasutut ilinniartitaanermi saaffigineqartut tassaapput:

Isumaginninnermut- ilinniartitsinermut- peqinnissamullu tunngatillugu qaffasissumik akunnattumik sivisussusilimmik ilinniagallit pisortallu suliffeqarfiutaanni atorfeqartut.

Qinnuteqartup ilinniarnerup immikkoortuini tamani peqataasinnaanissaa sulisitsisup qulakkiissavaa.

Paasissutissat nalinginnaasut:

Tarnikkut katsorsaasutut ilinniarneq ukiumut sisamanik immikkoortortaqarpoq. Immikkoortut tamarmik ullunik tallimanik sivisussuseqarput. Ullaakkut qulaaluaniit unnukkut arfinernut ilinniartitsisoqartassaaq. Ilinniarnerup immikkoortui sapaammi aallartittassapput sisamanngornermilu naammassisassallutik. Ilinniarneq Nuummi Peqqissaanermik Ilinniarfimmi ingerlanneqassaaq. Ilinniarnerup ukiumut immikkoortuisa sisamaasut saniatigut ilinniartut eqimattanngorlutik imminnut katsorsassapput. Taanna ukiut aappassaanni, pingajussaanni sisamassaannilu katsorsaasunit kalaallinit isumagineqassaaq. Ilinnialernissamut nalunaarnerup ilinniarneq tamakkerlugu peqataanissamut pisussaaffiliinera maluginiaqquneqarpoq.

Ilinniagaq aallartissavarput ullumik paasissutissiinermik, taannalu oktober-ip naanerani ovembarilluunniip aallartinnerani ingerlanneqassalluni.

1. modul: 3. - 7. marts 2019

2. modul: 26. - 30. maj 2019

3. modul: 1. - 6. september 2019

4. modul: 17. - 21. november 2019

*Ulloq paasissutissiinermut eqqortoq sapaatip akunnerani 35-mi saqqummiunneqassaaq.

Modulit siulliit sisamat pillugit una toorlugu atuagaqarsinnaavutit

Immikkoortuni peqataaneq akeqanngilaq aammalu ulluni pikkorissarfinni nerisaqartitsisoqartassalluni.

Angalanermut ineqarnermullu aningaasartuutit Peqqissaanermik Ilinniarfimmit akilerneqassapput. Atuakkanut aningaasartuuteqarnissaq naatsorsuutigineqassaaq.

Ilinniartitsineq qallunaatut ingerlanneqassaaq

Paasissutissat sukumiinerusut:

Paasissutissat sukumiinerusut pikkorissaanermut immikkoortortami aqutsisoq Else Thygesen, e-mail: ethy@nanoq.gl oqarasuaat: 349382 pissarsiarineqarsinnaapput.

SIF pillugu uani paasisassarsiorsinnaavutit: http://www.sif-udd.dk/

Kursusdata

  • Id: Psykoterapeutuddannelsen

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382