Tarnikkut katsorsaasutut ilinniartitaanerup SIF – Systemisk Institut for Familieterapi suleqatigalugu Peqqissaanermik Ilinniarfimmit 2023-imi neqeroorutaaqqissinnaanngornera nunannaarutigalugu nalunaarutigisinnaavarput.

Tarnikkut katsorsaasutut ilinniartitaanerup inunnik ataasiakkaanik, aappariinnik ilaqutariinnillu katsorsaanissamut piginnaaneqalersissavaatit.

Ilinniartitaanermi nalaatat anigoruminaatsut inuunermilu atukkat oqimaatsut immikkut ukkanneqarput. Ilinniartitaanerup ingerlanerani periutsinik katsorsaasutut annertuumik periarfissiinissamik qulakkeerisunik assigiinngitsorpassuarnik saqqummiussivigineqassaatit.

Ilinniartitaanerup ingerlanerani imminut katsorsarnermi, illit nammineq oqaluttuassartannik, avatangiisini qajassuussisuni toqqissinartunilu suliaqarfigisinnaasanni pinngitsooranilu peqataaffigineqartussami peqataassaatit.

Nunatsinni ilinniartitaaneq kulturitsinnut naleqqussagaavoq nassuiaatitaatullu saqqummiunneqartup nunatsinni atorneqarsinnaanissaa SIF-imiit eqqumaffigeqqissaarneqassaaq.

Tarnikkut katsorsaasutut ilinniartitaaneq ukununnga saaffiginnissutaavoq:

Peqataasut inunnik isumaginnittutut -perorsaasutut imal. peqqinnissamut tunngasumik ilinniarsimasutut qaffasissumik akunnattumik sivisussusilimmik ilinniarsimasut pisortallu suliffeqarfiutaanni atorfillit.

Qinnuteqartup modulini tamani peqataasinnaanissaa sulisitsisumit qulakkeerneqassaaq.

Paasissutissat nalinginnaasut:

Tarnikkut katsorsaasutut ilinniartitaaneq sisamanik immikkoortoqarpoq (modulit). Modulit tamarmik immikkut ullunik tallimanik sivisussuseqarput. Nal. 8:00-imiit 17:00-imut ilinniartitsisoqartassaaq. Modulit sapaammi aallartittassapput sisamanngornermilu naammassisarlutik. Ilinniartitaaneq Nuummi Peqqissaanermik Ilinniarfimmi ingerlanneqassaaq. Ilinniartitaanermut peqataaniarluni nalunaarnermi ilinniartitaaneq tamakkerlugu peqataanissamut pisussaaffiliinera maluginiaqquneqarpoq.

Ukioq siulleq modulit:

1. Moduli siulleq 29.01 - 02.02 2023

2. Modulit aappaat 04.06 - 08.06 2023

3. Modulit pingajuat 03.09 - 07.09 2023

4. Modulit sisamaat 12.11 - 16.11 2023

Modulit siulliit sisamat taakku pillugit UANI annertunerusunik paasisassarsiorit

Modulini peqataaneq akeqanngilaq ullunilu pikkorissarfiusuni tamani nerisaqartitsisoqassalluni.

Angalanerit ineqarnerlu Peqqissaanermik Ilinniarfimmit akilerneqassapput. Atuakkanut aningaasartuuteqarnissaq naatsorsuutigineqassaaq.

Ilinniartitsineq qallunaatut ingerlanneqassaaq

Paasissutissat sukumiinerusut:

Paasissutissat sukumiinerusut forstander Lisa Ezekiassen, e-mailikkut: lie@nanoq.gl oqarasuaatikkulluunniit: 349953 attavigalugu pissarsiarineqarsinnaapput

SIF pillugu paasisaqarnerorusukkuit: https://www.sif-udd.dk

Kursusdata

Kursusevents

---

Paasissutissat sukumiinerusut:

Paasissutissat sukumiinerusut pisortarmut

Bettina Hanghøj Johansen
E-mail-ikkut: behj@nanoq.gl
imal. oqarasuaatikkut: (+299) 349950
attaveqarnikkut pissarsiarineqarsinnaapput.