Peqqissanermik Illinniarfiup sundhedsassistentitut ilinniaqqinneq kingumut neqeroorutiga. Ilinniaqqinneq 2017-imi oktobarip ulluisa 30-anni aallartissaaq decembarillu ulluisa 15-anni naammassissalluni.


Siunertaq
Sundhedsassistentit ilinniaqqittarneranni katillugit sap. ak. arfineq marlunnik sivisussuseqartuni sundhedsassistentip piginnaanngorsaaqqinnermut/peqqissuunissaq anguniarlugu suliniuteqarnermut pitsaaliuinermullu kiisalu nammineerluni pisariaqartitsinermik naliliisinnaanissamut, pinasuagassanut anigugassaanngitsunillu nappaatilinnik tungiuinermut tunngasunik aaqqissuussillunilu iliuuseqarnissamut piginnaaneqalernissaa siunertaavoq - ilinniaqqinnermi peqqinnissaqarfiup immikkoortuini napparsimmaviit avataanni napparsimmavinnilu piginnaanngorsaaqqinnermut, nakorsaatilerinermut pinasuartarialinnillu peqqissaanermut atatillugu piginnaasat immikkut pingaartinneqarput.  

Imarisai 
Ilinniaqqinneq modulinik sisamanik ataatsimoortunik immikkoortortalerlugu aaqqissugaavoq:

moduli 1:  Nakorsaatilerineq (sap. ak. marluk), misilitsinnermik angusiffiusussamik  naggaserneqartussaq. 
moduli 2:  Piginnaanngorsaaqqinneq (sap. ak. marluk) 
moduli 3:  Pinasuagassanik peqqissaaneq (sap. ak. marluk) 
moduli 4:  Fagit ilinniakkat akimorlugit pisimasuutitamik suliaqarneq (sap. ak. ataaseq)

MALUGINIAGASSAQ: Nakorsaatilerinermut pikkorissarnermi Peqqissaanermik Ilinniarfimmit aaqqissuussami angusisimaneq ilinniaqqinnerup ilaatut akuersissutaalluni ilinniaqqinneq sap ak. marlunnik sivikillineqarsinnaavoq, taamaappat ilinniaqqinneq 2017-imi novembarip ulluisa 13-anni aallartinneqassaaq. 

Ilinniartitseriaaseq

Ilinniaqqinneq Peqqissaanermik Ilinniarfimmi ingerlanneqassaaq. Piginnaasaqafigiligassamut piginnaanngorsarnissaq siunertaralugu ilinniartitsineq- saqqummiussinerit, oqallinnerit oqaloqatigiinnerillu, eqimattakkuutaarluni suliaqarneq, suliffimmut tunngasunik suliaqarneq, pisimasuutitanik tunngaveqarluni suliaqarneq piviusuusaartitsillunilu sungiusarneq- nikittaraallugit ingerlanneqassaaq. Ilinniartitsinernut atatillugu atuagassaqartassaaq allatigulluunniit piareersartoqartassalluni.

Paasissutissat nalinginnaasut
Ilinniaqqinnerup nalaani sap. ak. nal. ak 40-ni sulinertuut tunngaviusumik akissarsiat pigiinnarneqassapput. 
Sulisitsisut Peqqinnissaqarfik aqqutigalugu aningaasarsiat nalinginik utertitsivigineqassapput. Pisariaqarpat Peqqissutsimut Pitsaaliuinermullu Aqutsisoqarfik attavigiuk (Aningaasaqarnermut Pilersaarusiornermullu immikkoortortaqarfik) 

Atuakkanut aningaasartuuteqarnissaq naatsorsuutigineqassaaq. 

Ilinniaqqinneq 2017-imi oktobarip ulluisa 30-anni aallartissaaq decembarillu ulluisa 15-anni naammassissalluni.
Nuup avataaneersut angalinissaat, ineqarnissaat ullormusiassaallu Peqqissaanermik Ilinniarfiup isumagissavai.
Akissarsiaqarluni sulinngiffeqarnissap sulisitsisumut qinnutiginissaa ilinniaqqinnermi peqataasussat namminneq isumagissavaat. 

Qinnuteqarfissaq kingulleq: 22. september 2017

Paasissutissat sukumiinerusut: 
Paasissutissat sukumiinerusut immikkoortortami aqutsisoq Else Thygesen e-mailikkut: ethy@nanoq.gl, oqarasuaatikkut toqq.:349382 attavigalugu pissarsiarineqarsinnaapput

Kursusdata

  • Id: Sundhedsassistenter -Efteruddannelse

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382