Suliffimmi aqqutissiuussisutut pikkorissaanermi siunertaavoq:

Periutsit atorlugit ilinniartunik ilikkartitsisinnaaneq siuarsarniarlugu iliuuseqarnissamik siunertalimmik, peqataasut ilitsersuisinnaanngornissaat.

Anguniagassatut siunniussat:

  • Kalaallit Nunaanni peqqissaanermi ikiortinngornianut, tapersersuisunngornianut sundhedsassitentinngornianullu suliffimmi aqqutissuussisutit ilinniartitaanermik pilersitsinermi inerisaanermilu atugassarititaasut toqqammavissallu peqataasunit paasineqarnissaat.
  • Suliffimmi ilinniarnermut suut ilisarnaataanerisa peqataasunit paasineqarnissaa.
  • Tunngavissat ilinniartitaanerni pineqartuni suliffimmi aqqutissiuussinermik aaqqisuussinermi toqqammaviusut peqataasunit paasineqarnissaat.
  • Suliffimmi aqqutissiuussinerup suliassartaasalu peqataasunit paasineqarsinnaalernissaat.
  • Suliassanut suliffimmi aqqutissiuussisuunermut attuumassuteqartunut tunngatillugu peqataasut piginnaasaqalernissaat.

Imarisai:

  • Ilinniartitaanerit aaqqissuussaanerat.
  • Suliffimmi ilinniarneq Atuagarsornermut/sulinermullu tunngasut.
  • Suliffimmi aqqutissiuussisup suliassai.
  • Ilinniartitaanerup pilersaarusiorneqarnera.
  • Naliliineq
  • Ilitsersuineq eqqarsaatersuutiginninnerlu

Ilinniartitsineq Peqqissaanermik Ilinniarfimmi kalaallisut ingerlanneqassaaq.

Ilinniartitseriaaseq: Atuagarsornikkut saqqummiussineq, oqallinneq, eqimattakkuutaarluni suliaqarneq piviusuusaartitsineq.

Ilinniartitsisoq: Niviaq Lind, peqqissaasutut ilinniartitsisoq

Ilinniartitsineq kalaallisut ingerlanneqassaaq. 

Saaffigineqartut: Sundhedsassistentit – portørit annaassiniartartut – peqqissaanermi ikiortit tapersersuisullu ilinniartunik suliffimmi sungiusaanermik suliaqartut.

Ullut pikkorissarfissat: 2. april - 11. april (sap.ak. naanera sunngiffiussaaq)

Angalaneq, ineqarneq ullormusiaqarnissarlu Peqqissaanermik Ilinniarfimmit isumagineqassapput

Kursusdata

  • Id: Praktikvejleder
  • akissaq: 0

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382