Peqqissaanermik Ilinniarfiup Peqqinnissaqarfik suleqatigalugu pikkorissarneq marlunnik immikkoortortalik peqqinnissaqarfimmi oqalutsinut matumuuna neqeroorutigaa. 

Qitiutitat:

  • Qaffasissumik pitsaassusilimmik suleriaaseqarneq
  • Attaveqatigiinneq
  • Inuttut ineriartorneq
  • Oqalutsitut inissisimanerup ilisimaarinissaa
  • Suleqatigiinneq ilinniakallu akimorlugit suleqatigiissinnaaneq

Anguniagassatut siunniussat: 

  • Inatsisit Peqqinnissaqarfimmut tunngasut Peqqinnissaqarfiullu aaqqissuussaanerata ilisimaarilernissaat
  • Oqalutsip suliassaqarfiisa, akisussaaffiisa piginnaasaqarfiisalu ilisimaarilernissaat – oqalutsitut suut akuerineqarsinnaappat suullu akuerineqarsinnaanngillat?…
  • Ileqqorissaanerup ilisimaarilernissaa (oqalutsitut ileqqorissaarneq)
  • Attaveqatigiinnerup/sunniisinnaassutsip ilisimaarilernissaa
  • Oqaloqateqarnissanut ajornakusoortunut piareersarnermi oqaloqatigeereernermilu misigisanik aniatitsinissamut periarfissat assigiinngitsut ilisimaarilernissaat.
  • Inuttut ineriartornissamut periarfissat ilisimaarilernissaat– ineriartornissamut periarfissiinissap piginnaaneqarfigilernissaa /ilisimasaqarfigilernissaa.
  • Napparsimasut pisinnaatitaaffiisa ilisimaarilernissaat– qanoq iliuuseqarfigineqarpat? Oqalutsi qanoq ililluni napparsimasup nakorsartinnermini aqqusaartugassaasa pitsaasuunissaannut peqataasinnaava?
  • Sullivimmi avatangiisit tamatumunngalu atatillugu Sullivinnik Nakkutilliisoqarfiup, sulisut sinniisoqarnerisa suleqatigiinnermullu ataatsimiititaliap ilisimaarilernissaat– suleqatigiinnissamut periarfissanik pilersitsinissamut oqalutsi qanoq ililluni suliffimmi peqataasinnaava?
  • Suliffimmi nammineq attaveqarfinnik ilisimaarinnilernissaq – oqalutsi qanoq ililluni suliffimmi attaveqatigiinnik pilersitsisinnaava?

Immikkoortut aappaata 2017-ip qiteqqunnerani ingerlanneqarnissaa pilersaarutaavoq.

Immikkoortoq siulleq ingerlanneqassaaq: 31.okt – 4. november 2016.

Sumi: Nuummi Peqqissaanermik Ilinniarfimmi

Angalaneq-ineqarneq nerisaqarnerlu Peqqissaanermik Ilinniarfiup isumagissavai.

Qinnuteqarfissaq kingulleq: 7.oktober 2016

Paasissutissat allat:

Paasissutissat allat pikkorissaanernut immikkoortortaqarfimmi aqutsisoq Else Thygesen, e-mail: ethy@nanoq.gl oqarasuaat: 349382 attavigalugu pissarsiarineqarsinnaapput

Kursusdata

  • Id: PKU - Kursus for tolke i sundhedsvæsenet

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382