Meeraaqqerinermi assistentitut ilinniartitaaneq ukununnga saaffiginnissutaavoq

Sundhedsassistentit ukiuni marlunni peqqinnissaqarfimmi sulinermik misilittagallit. Meeqqanik inuusuttunillu sullissinermik misilittagaqarneq iluaqutaassaaq.

Ilinniartitaanerup imarisai

Inatsisit maleruagassallu pillugit ilisimasat, aaqqissuussaanermut akuulernissaq, ilaqutariit, meeqqat inuusuttullu ineriartornerat pillugu isumaliutersuutit. Peqqissutsimik siuarsaaneq, ajornartorsiutinit aniguisinnaaneq nappatsaaliuinerlu, nunatsinni meeqqani inuusuttunilu peqqissuseq nappaataasartutut ilisimasanut attuumassuserlugu isumaliutersuutit. Inuiaqatigiinni ileqqunut naleqqussarneq- piorsarsimassutsimullu tunngatillugu isumaliutersuutinik piginnaasatigut misissuinerit, meeqqanillu inuusuttunillu misissuisitsinerni sakkussat pillugit ilisimasat. Kiisalu nammineq suliat uppernarsarnissaat, naliliinermi sakkussat kiisalu innersuussinermi sullississummik inerisaaneq.

Modulinut immikkoortiteraluni aaqqissuussineq

Meeraaqqerinermi assistentitut ilinniartitaaneq peqataasut Peqqissaanermik Ilinniarfimmi modulini sisamani atuagarsortussanngorlugit aaqqissuussaavoq. Tamatuma saniatigut, atuagarsornermi taakkulu akornanni immikkut ukkasinikkut sulinermik sungiusarnerit allattariarsukkanillu suliaqarneq, ingerlanneqassapput. Sundhedsassistentit allattariarsukkanik suliaqarnissamut immikkullu ukkassinikkut sulinermik sungiusarnissamut, moduli siulleq sioqqullugu ullunik suliffinnik tallimat missaannik taamatullu modulit allat akornanni (modulit akornanni agguataakkanik) ullunik suliffinnik qulinik atuinissaat naatsorsuutigineqarpoq.

Moduli siulleq: Ilaqutariinngorneq, inoorlaalerineq meeraaqqerinerlu

(13. maj – 7. juni 2019)

Modulit aappaat: Atuarfinni meeqqerineq

(23. september – 18. oktober 2019)

Modulit pingajuat: Ilinniakkat pisortaqarfiillu akimorlugit suleqatigiinneq, eqimattanut meeraaqqerineq kiisalu ulluunerani paaqqinnittarfinnut pisortallu suliffeqarfiinut allanut tunngatillugu (sap. ak. sisamat 2020) siunnersortaaneq.

Modulit sisamaat: Meeraaqqerinermi assistentitut suliassaqarfinnik pilersaarusiorneq inerisaanerlu, naggataarutaasumik soraarummeerneq (sap. ak. pingasut 2020).

Paasissutissat nalinginnaasut

  • Angalaneq ineqarnerlu Peqqissaanermik Ilinniarfimmit isumagineqassapput.
  • Nuup avataaneersunut maleruagassat atuuttut naapertorlugit ullormusiaqartitsisoqassaaq.
  • Akissarsiaqarluni sulinngiffeqarnissaq qinnuteqaatigineqassaaq. Akissarsianut aningaasartuutit Peqqissutsimut Pitsaaliuinermullu Aqutsisoqarfimmit taarserneqassapput. Tamanna aamma sundhedsassistentinut kommunini atorfeqartunut atuuppoq.
  • Nuummeersunut ullaap tungaani ullup qeqqanilu nerisaqartitsisoqassaaq.

Paaissutissat sukumiinerusut immikkoortortami aqutsisumut Else Thygesenimut, e-mailikkut: ethy@nanoq.gl oqarasuaatikkut: 349382 saaffiginninnikkut pissarsiarineqarsinnaapput

Kursusdata

  • Id: Specialiseringsmodul-sundhedsplejeassistenter

Kursusevents

  • Pikkorissartarfik: Peqqissaanermik Ilinniarfik
  • Nalaat: 13.05.2019 - 01.11.2019
  • Piffissaliussaq: 12.04.2019
  • Varighed: 1,5 år
  • Issiavissaq: 10 (6 tilbage)

Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382