Sundhedsassistentitut ilinniarsimavit piumassuseqarlutillu, pinasuagassanik peqqissaanermi, piginnaanngorsaaqqinnermi nakorsaatilerinermilu piginnaasavit inerisarnissaat kajungeraajuk, taava Sundhedsassistentinut ilinniaqqinnissamut qinnuteqarnissannut periarfissaqarputit.

Piffissaq ilinniaqqiffisaq: septembarip ulluisa 13-anniit novembarip ulluisa aallaqaataannut.

Siunertaq:
Sundhedsassistentinut ilinniaqqinneq katilluni sap. ak. arfineq marlunnik sivisussuseqarpoq sundhedsassistentillu sulisinnaanermut piginnaanngorsaaqqinnermik /peqqinnissamik siuarsaanermik pitsaaliuinermillu suliaqarnissamut kiisalu nammineerluni pisariaqartitanik naliliisinnaanissamut, tassanngaannaq nappartunut anigorsinnaanngisaminnillu nappaatilinnut tunngatillugu tungiuinermi suliassanik aaqqissuussisinnaanissamut suliaqarsinnaanissamullu piginnaaneqalernissamik siunertaqarpoq.   Ilinniaqqinnermi misilitsinnermik angusiffiusussamik naggaserneqartumi, piginnaanngorsaaqqinnermi nakorsaatilerinermilu, pinasuartarialinnik peqqissaanermi napparsimmavinni taakkulu avataanni piginnaasassat immikkut pingaartinneqarput.

Imarisai:
Ilinniaqqinneq modulinik sisamanik ataatsimoortunik immikkoortortaqarpoq:
Moduli siulleq: Pinasuartarialinnik peqqissaaneq, sap. ak. marlunnik sivisussusilik
Modulit aappaat: Piginnaanngorsaaqqinneq, sap. ak. marlunnik sivisussusilik
Modulit pingajuat: Nakorsaatilerineq, sap. ak. marlunnik sivisussusilik
Modulit sisamaat: Fagit akimorlugit piviusuutitamik suliaqarneq, sap. ak. ataatsimik sivisussusilik.

Ilinniartitseriaaseq:
Ilinniaqqinneq Peqqissaanermik Ilinniarfimmi (PI) ingerlanneqassaaq. Ilinniartitsinermi atuagarsornikkut saqqummiussinerit, oqallinnerit oqaloqatigiinnerillu, eqimattakkuutaarluni suliaqarnerit, suliffimmut attuumassutilinnik suliaqarnerit, piviusuutitanik suliaqarnerit piviusuusaartitsinikkullu sungiusarnerit nikerartinneqassapput. Atuartitsinissanut atuagassaqartassaaq allatigulluunniit piareersartoqartassalluni.

Paasissutissat nalinginnaasut:
Peqataasunut Nuup avataaneersunut angalanissat, ineqarnissaq ullormusiaqarnissarlu PI -mit isumagineqassapput.
Ilinniaqqittussatut tiguneqartut tamarmik sulisitsisumut akissarsiaqarluni sulinngiffeqarnissamik qinnuteqarnissaq namminneq isumagissavaat.

Atuakkanik pisinissamut 1200 koruuninik atuinissat naatsorsuutigissavat. Atuakkat PI-mi atuakanik atorniartarfimmi pisiassaapput.

Qinnuteqarfissaq kingulleq: 24. august 2018

Kursusdata

  • Id: Sundhedsassistentinut ilinniaqqinneq

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382