Qinnuteqarfissap kingulliup 2017-imi januaarip ulluisa arfernannut kinguartinneqarnera maluginiaruk.

Ilinniartitaaneq Peqqissutsimut Naalakkersuisoqarfik suleqatigalugu neqeroorutaavoq. 


Siunertaq:

Ilinniarnerpit kingorna inunnut atornerluinermik ajornartorsiuteqartunut ikiuunnissamut najukkanni atornerluisut pingaarnertut attaviattut sulisinnaassaatit

Atornerluisunut pingaarnertut attaviusutut atornerluinerit assigiinngitsut takusinnaanissaat paasisinnaanissaallu, katsorsartinnissamut kajumissaarinissamut kiisalu Kalaallit Nunaanni katsorsartinnissamut periarfissanik siammarterinissamut ilinniarsimasuussaatit.

Taamaammat ilinniareerninni atornerluisut pisariaqartitaminnik ikiorserneqarnissaannut suliffinni ikiortitut atorneqarsinnaavutit.


Atornerluisut pingaarnertut attaviattut ilinniartitaaneq ukununnga saaffiginnissutaavoq:

Ilinniagallit peqqinnissaqarfimmi, ilinniarfimmi imal. kommunip allaffissornikkut ingerlatsiviani sulisut.

Qinnuteqartut inuussutissarsiutitigut ilinniagallit bachelorillu ilinniartussatut tiguneqarsinnaapput.

Peqataasut inunnik isumaginninnermut, ilinniartitsinermut peqqinnissamullu tunngasumik qaffasissumik akunnattumik sivisussusilimmik ilinniagallit, atornerluisunik katsorsaasutut ilinniartitaanermut ingerlaqqissinnaapput. Ilinniagallit allat immikkut inuttut naliliivigineqareernikkut atornerluisunik katsorsaasutut ilinnialersinnaapput. 

Paasissutissat nalinginnaasut

Atornerluisut pingaarnertut attaviattut ilinniartitaaneq ataqatigiinnik marlunnik, 2017-imi februaarip ulluisa tallimaanniit 17-annut Peqqissaanermik Ilinniarfimmi ingerlanneqartussanik, immikkoortortaqarpoq.

Immikkoortuni peqataaneq akeqanngilaq. Ulluni pikkorissarfiusuni tamani nerisaqartitsisoqassaaq (ullaap tungaa, ullup qeqqa ualikkullu).

Peqataasussat namminneq angalanissaq ineqarnissarlu inniminnerlugulu akiliissavaat.


Qinnuteqarfissaq kingulleq: 22. december 2016  


Paasissutissat allat:

Paasissutissat allat immikkoortortami aqutsisoq Else Thygesen, e-mailikkut: ethy@nanoq.gl oqarasuaatikkut: 349382 attavigalugu pissarsiarineqarsinnaapput.

Kursusdata

  • Id: Misbrugsnøgleperson

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382