Ilinniartitaanermi suna siunertaava?

Pingaarnertut attavittut pinngitsuuisinnaajunnaarnernik assigiinngitsunik takunnissinnaanissaq paasinnissinnaanissarlu, katsorsartinnissamut kajumilersitsinissaq nunatsinnilu katsorsartissinnaanermut periarfissat pillugit ilisimasanik siammarterisinnaanissaq siunertaapput. Aanngajaarniutinik aningaasanoornermillu ajornartorsiuteqartut pingaarnertut attaviinik katsorsaasunut ingerlaqqinniarlutik kissaateqartunik ilinniartitsinissaq siunertaavortaaq.

Ilinniarnerup kingorna suliffinni innuttaasut aanngajaarniutinik aningaasanoornermillu pinngitsuuisinnaajunnaarsimasut pisariaqartitaminnik ikiorneqarnissaannut attavittut pingaarnertut peqataassaatit.

Atornerluisut pingaarnertut attaviattut ilinniartitaaneq kikkunnut saaffiginnissutaava?

Ilinniartitaanermi peqqinnissaqarfimmi, ulloq unnuarlu paaqqinniffinni, ilinniarfinni kommuninilu ingerlatsivinni namminersortunilu ilinniagallit tamarmik saaffigineqarput.

Peqataaniarlutit nalunaarninni nutaatut marlunnik periarfissaqarputit

1: Tunngaviusumik immikkoortumut (modul) ullunik ilinniartitsivinnik arfineq pingasunik immikkoortortalimmut peqataaniarlutit nalunaarit.

Naammassiguit pingaarnertut attavinngussaatit.

Ilinnialersinnaanermut piumasaqaatit: Inuussutissarsiornermut sammisumik ilinniagaqarneq imal. bachelori.

2:Tunngaviusumik immikkoortumut (modul) ullut marluk immikkut ilanngullugit ullunik ilinniartitsivinnik qulinik immikkoortortalimmut peqataaniarlutit nalunaarit.
Ilinniarnerit naammassigukku atornerluisunut pingaarnertut attavinngussaatit saniatigullu  aanngajaarniutinik ajornartorsiutilinnut katsorsaasutut ilinnialernissamut qinnuteqarnissannut periarfissaqalissallutit.

Ilinnialersinnaanermut piumasaqaatit: Isumaginninnerup imal. peqqinnissap iluani qaffasissumik ingerlaqqiffiusumik akunnattumik sivisussusilimmik iliniagaqarneq.
Allanik ilinniagallit immikkut naliliivigineqareernikkut, allamik naapertuuttumik ilinniaqarnermut aamma/imal. misilittagaqarnermut uppernarsaatissaqarpat, ilinnialernissamik neqeroorfigineqarsinnaassapput.

Paasissutissat nalinginnaasut

Atornerluisut pingaarnertut attaviattut ilinniartitaanerup tunngaviusumik immikkoortua 2019-imi apriilip ulluisa aallaqqaataanniit arfineq pingajuannut ingerlanneqassaaq. Katsorsaasutut ilinnialernissamut qinnuteqarnissaq siunertaralugu tunngaviusumik immikkoortoq ullunik marlunnik ilasaq toqqarukku, ilinniartitaaneq apriilip qulaaluaat atuanngiffigalugu apriilip ulluisa aallaqqaataanniit aqqarnata tungaanut ingerlanneqassaaq.

Ilinniartitaaneq Nuummi Peqqissaanermik Ilinniarfimmi ingerlanneqassaaq. 


Peqataaneq ilinniartitsinermi atortut, ulluni ilinniarfiusuni ullaap tungaa, ullup qeqanut ualikkullu sutugaqarneq ilanngullugit akeqanngilaq.

Ilinniartitaanermut atatillugu angalaneq ineqarnerlu peqataasup/sulisitsisup nammineq isumagissavaa, taamaammallu tamatumunnga tunngatillugu aningaasartuutit akilissallugit.

Kommuni Kujallermiit peqataaniat salliunneqassapput, taamatuttaaq angalanissamut ineqarnissamullu akiliunneqarnissamik Allorfimmit neqeroorfigineqassapput.

Ilinniartitsineq qallunaatut ingerlanneqassaaq.

Maluginiaruk: Qinnuteqaatit suliarineqassaaq tiguneqarsimanermulli uppernarsaammik allagarsiguit aatsaat peqataanissat qulakkeerneqassaaq.

Hvis nogen oplever problemer med tilmeldingen pga Tele Greenlands problem med søkablet, bedes man skrive til skolen på cfspost@nanoq.gl

Kursusdata

  • Id: Nøglepersonuddannelsen

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382