Atornerluisunik katsorsaasutut ilinniarneq

Atornerluisunik katsorsaasutut ilinniartitaanerup Peqqissaanermik Ilinniarfimmit neqeroorutaasinnaanngornera nuannaarutigalugu nalunaarutigisinnaavarput.


Siunertaq:

Peqataasut atornerluinermut tunngatillugu sullissanut ilisarsineq/paasinninneq tunngavigalugu katsorsaariaatsinik ilisimasaqalernissaat taakkunanngalu akisussaaffeqarfiit piginnaasaqarfiillu iluini atuisinnaalernissaat. 

Saaffigineqartut:

Inunnik isumaginninnerup, ilinniartitsinerup peqqinnissamullu tunngasut iluini akunnattumik sivisussusilimmik qaffasissumik ilinniagaqarsimanissaq atornerluisunillu immikkut sammisalittut ilinniarsimanissaq peqataasuni piumasaqaataapput.

Paasissutissat nalinginnaasut.

Atornerluisunik katsorsaasutut ilinniartitaaneq pingasunik immikoortortaqarpoq.

2016-imi maajip ulluisa qulaaluaanni aallartissaaq decembarillu ulluisa qulinganni naammassissalluni.

Immikkoortoq siulleq: 9. maj- 14. maj

-          ilisarsinermik/paasinninnermik tunngaveqarneq

Immikkoortut aappaat: 22. august- 26. august

-          ilisarsineq/paasinninneq tunngavigalugu katsorsaariaatsit

Immikkoortut pingajuat: 6. december – 10. december

-          ilisarsineq/paasinninneq tunngavigalugu aappariinnik ilaqutariinnillu katsorsaaneq

 Immikkoortut Peqqissaanermik Ilinniarfimmi ingerlanneqassapput.

Immikkoortuni peqataaneq akeqanngilaq. Ulluni pikkorissarfinni tamani nerisaqartitsisoqassaaq.

Angalanissat ineqarnissarlu Peqqissaanermik Ilinniarfimmit isumagineqassapput.

Ilinniartitsineq qallunaatut ingerlanneqassaaq.

Atuakkanut aningaasartuuteqarnissaq naatsorsuutigineqassaaq.

Immikkoortunut ataasiakkaanut najoqqutassaq kingorna nittartakkami pi.gl -imi saqqummiunneqassaaq.

Qinnuteqarfissaq kingulleq: 11. april 2016

Qinnuteqaat uunga nassiunneqassaaq (qinnnuteqarnermi immersugassaq ilanngussaq takuuk):

Peqqissaanermik Ilinniarfik

Svend Jungep Aqq. 2

Postboks 1499,

3900 Nuuk

e-mail: cfspost@nanoq.gl

Paasissutissat allat:

Paasissutissat allat ilinniarfiup pisortaa Lisa Ezekiassen, mail: lie@nanoq.gl oqarasuaat: 349953 attavigalugu pissarsiarineqarsinnaapput.

 

Kursusdata

  • Id: Misbrugsbehandleruddannelsen

Kursusevents

Det er ikke muligt at tilmelde dig til dette kursus


Yderligere information:

kan indhentes hos områdeleder

Else Thygesen
E-mail: ethy@nanoq.gl
Tlf.: (+299) 349382