Tapersersuisoq sulerisuua?

Tapersersuisutut, innuttaasup tarnimigut nappaatillip ulluinnarni sapinngisaq tamaat nalinginnaasumik inuusinnaanissaanut tungiuisuuvutit, suliassatigut ikiuisuullutit tapersersuisuullutillu.

Ilinniarneq ukiup aappa affaanik sivisussuseqartoq, sap. ak. 38-ini atuagarsornermik sap. akunnerinilu 35-ini sulinermik sungiusarnermik immikkoortortaqarpoq.

Atuagasornertaa Nuummi Peqqissaanermik Ilinniarfimmi ingerlanneqassaaq. Atuagarsornerit immikkoortut pingasuusut kingullersaat naggataarutasumik soraarummeerneruvoq.

Sulinermik sungiusarneq najukkanni tarnimikkut nappaatilinnik inuttut atukkatigut ikorfartuiffimmi ingerlanneqassaaq. Sulinermik sungiusarnerup nalaani sungiusaasoqartinneqassaatit Peqqissaanermillu Ilinniarfimmi attavigisartagaqassallutit.

  • Meeqqat atuarfiannit minnerpaamik E (02 ) kisitsinermi/matematikkimi kiisalu minnerpaamik D (4 ) kalaallisut qallunaatullu oqaasilerinermi angusaralugit soraarummeersimaneq,
  • Qassinik ukioqalereersimanissaq: 18
  • Ukiut sulinermik misilittagaqarfiit: 2
  • Ilinnialersinnaanissaq pillugu oqaloqatigiinneq
  • Pinerluuteqarsimannginnermut uppernarsaat

Qinnuteqarnermut atatillugu immersugassaq immersussavat najukkannilu Piareersarfimmut tunniullugu. Piareersarfiup qinnuteqaatit Peqqissaanermik Ilinniarfimmut ingerlateqqissavaa.

Ukiut tamaasa aggusti qaammat atuaqatigiit (holdit) ataatsit ilinniarnertik aallartittarpaat. Qinnuteqarfissaq kingulleq:1. marts.

Ilinniarnerit tamaat ilinniartuunersiuteqassaatit. Atuagarsornerup nalaani Nuummi ilinniartut ineqarfiisa allaffeqarfiannit inissannik tunineqassaatit.
Ilinniarnerpit nalaani ilaquttatit Nuummut ilagisinnaanngilatit.

opdateret : 24/11-2017