Sundhedsassistenti sulerisarpa?

Anigugassaanngitsumik nappaateqartunik tunngaviusumik peqqissaanermik suliaqarnikkut sundhedsassistentitut atituunik assigiinngiaanillu suliassaqarputit, ilinniakkat tunngavigalugit peqqinnissakkut sullissinermi pisariaqartitanik nammineerlutit naliliisinnaassaatit, tungiuninermi suliassanik aaqqissuisinnaassaatit, aallartitsisinnaassaatit suliaqarsinnaasallutillu.

Ilinniartinneqarnikkut peqqissaanermi immikkut ittunik suliaqarsinnaassaatit. Pikkorissarnikkut imal. aaqqissuussamik suliassanik ilinniartitaanikkut piginnaaneqarfigilikkanik soorlu –qinnguartaanermut-, kinguaassiuutitigut nappaatinik misissuinermut, tusilartulerinermut, ernisussiornermut, tarnimikkut nappaatilinnik sullissinermut meeraaqqerinermullu akisussaaffeqalersinnaavutit.

Ilinniarnermut tunngatillugu allaffeqarfik qinnuteqarnissamut-, ilinniagaqarnersiuteqarsinnaanermut-, kollegiamiissinnaanermut-, nalinginnaasunillu allanik apeqqutigisinnaasannut tunngatillugu paasissutissiissaaq.

Peqqissaanermi ikiortitut ilinniareerluni ingerlaqqinneruvoq ukiup aappaa qeqqanik sivisussuseqartoq. Sap.ak. 34-nik atuagarsornertaqarpoq sap.akunnerinillu 35-inik sulinermik sungiusarneqartaqarluni. Tamatuma kingorna sap.ak. sisamat naggataarutaasumik atuagarsorneq allattariarsuk-kamik suliaqarnermik soraarummeernermillu naggaserneqassaaq.

Atuagarsorneq Peqqissaanermik Ilinniarfimmi Nuummiittumi ingerlanneqassaaq.

Ilinniagaq pillugu siunnersuivik sundhedsassistentitut ilinniarneq pillugu apeqqutissaqaruit piareersimavoq.

Sundhedsassitentinngorniarluni ilinnialernissamut akuerisaassagaanni piumasaqaatit makku eqquutsinneqassapput:

  • peqqissaanermi ikiortitut minnerpaamik C karakteereralugu ilinniarnermik naammassinnissimaneq imal. peqqinnissamut tunngatillugu ilinniagaqarnikkut taamaaqataanik piginnaasaqarneq
  • illugiinnik oqaaseqartuussaatit meeqqat atuarfianni naammassinermi kalaallisut qallunaatullu karakteeri minnerpaamik D, kisitsinermi matematikkimilu karakteeri minnerpaamik D angusimassavatit
  • naggataarutaasumik soraarummeernermi C-mit appasinnerusumik karakteereqaruit, misilitsissinnaavutit
  • ilinniagaqassutsikkut taamaaqataanik piginnaaneqarnissamut tunngatillugu, qinnuteqartut immikkut piginnaasatigut Peqqissaanermik Ilinniarfimmit naliliivigineqartarput
  • qinnuteqartoq sulinermut tunngatillugu naapertuuttunik piginnaaneqarpat, sulinermik sungiusarnerup sivikillineqarnissaa qinnuteqaatigineqarsinnaavoq.
  • ilinniarnertuutut soraarummeersimaneq

    Ilinniartussatut akuerisaaguit illoqarfigisanni sulinermik sungiusarsinnaanissat Peqqissaanermik Ilinniarfiup sapinngisamik qulakkeerniassavaa. Sulinermik sungiusarninni peqqinnissaqarfimmi kommunimilu angerlarsimaffinni peqqissaaneq ikiorteqartitsinerlu ilisimasaqarfigilissavatit. Sulinermik sungiusarnerpit nalaani sungiusaasoqartinneqassaatit Peqqissaanermillu Ilinniarfimmi attavigisartagaqartinneqassallutit.