Portøri annaassiniartartoq sulerisarpa?

Tamatuma saniatigut portørit annaassiniartartut napparsimasunik angallassisarput ambulance-millu ingerlatsisuusarlutik. Taamaammat inuup inuuneranik annaassiniarluni ikiueqqaarneq ilinniarnerup ilagaa pingaarutilik. 

Ilinniagaq pillugu siunnersuivik portøritut annaassiniartartutut ilinniarneq pillugu apeqqutissaqaruit piareersimavoq.

  • Sulinermik sungiusarnissamut akuerineqarneq/ilinniartunngornissamut isumaqatigiissusiorsimaneq 
  • Meeqqat atuarfiannit soraarummeernermi qallunaatut kalaallisullu oqaasilerinermi minnerpaamik karakteerimik D-mik angusisimanissaq kiisalu kisitsisilerinermi matematikkimilu karakteerimik E-mik angusisimanissaq  
  • Biilernermut allagartaqarnissaq
  • Pinerluuteqarsimannginnermut uppernarsaateqarnissaq 
  • Tunngaviusumik issittumi ikiueqqaarnermut pikkorissarsimanissaq

Sulinermik sungiusarnerup imm. siulleq ilinniartup najugaani napparsimmavimmi ingerlanneqassaaq, sulinermillu sungiusarnerup imm. aappaat Dronning Ingridip Napparsimmavissuani ingerlanneqassalluni.
Sulinermik sungiusarnerup nalaani suliffimmi sungiusaasoqassaatit Peqqissaanermillu Ilinniarfimmi attaveqarfigisartagaqassallutit.

Ilinniarnermut tunngatillugu allaffeqarfik qinnuteqarnissamut-, ilinniagaqarnersiuteqarsinnaanermut-, kollegiamiissinnaanermut-, nalinginnaasunillu allanik apeqqutigisinnaasannut tunngatillugu paasissutissiissaaq.

Qinnuteqarfissaq kingulleq: 15. marts

Portøritut annaassiniartartutut ilinniartitaaneq sap. ak. 22-inik (qaammatit tallimat miss.) sivisussuseqartoq sap. ak. sisamani atuagarsornermik tamatumalu kingorna sap. ak. arfinilinni sulinermik sungiusarnermik immikkoortortaqarpoq. Tamatuma kingorna sap.ak. sisamat atuagarsoqqinnermik sapaatillu akunneri arfinillit sulinermik sungiusarnermik malitseqassaaq. Ilinniarneq sap. ak. marlunni atuagarsornermik soraarsummeernermillu naggaserneqassaaq.  
Atuargarsorneq Nuummi Peqqissaanermik Ilinniarfimmi ingerlanneqassaaq.

Skema ilinniarfissamit akuersissut qinnuteqaammut ilanngullugu nassiunneqassaaq. Ilinniarnissamut akuersissummik qinnuteqarniarluni qinnuteqartup nammineq najukkami peqqissaavik /napparsimmavik attavigissavaa. Ilinniartunngornissamut isumaqatigiissut immersugassaq najukkami Majoriaq attavigalugu pissarsiarineqarsinnaavoq.