Peqqinnissakkut sullissisoq sulerisarpa?

Tamatuma saniatigut peqqinnissakkut sullissisoq, ilinniakkat tunngavigalugit peqqinnissakkut sullissisoq alla napparsimasumut pingaarnertut akisussaassuusoq suleqatigalugu, nunaqarfimmi napparsimmaviup avataani tunngaviusumik suliassanik allanik isumaginnittuuvoq.

Sulinermik sungiusarnerup imm. siulleq najukkami napparsimmavimmi/peqqissaavimmi immaqaluunniit nunaqarfimmi ingerlanneqassaaq.
Sulinermik sungiusarnerup imm. aappaat najukkami napparsimmavimmi/peqqissaavimmi/peqqissaasoqarfimmi ingerlanneqassaaq.
Sulinermik sungiusarnerup nalaani suliffimmi sungiusaasoqassaatit Peqqissaanermillu Ilinniarfimmi attaveqarfeqassallutit.

  • Sulinermik sungiusarnissamut akuerineqarneq/ilinniartunngornissamut isumaqatigiissusiorsimaneq
  • Meeqqat atuarfiannit soraarummeernermi qallunaatut kalaallisullu oqaasilerinermi minnerpaamik karakteerimik D-mik angusisimanissaq kiisalu kisitsisilerinermi matematikkimilu karakteerimik E-mik angusisimanissaq
  • Pinerluuteqarsimannginnermut uppernarsaateqarnissaq

Peqqinnissakkut sullissisutut ilinniartitaaneq sap. ak. 22-inik sivisussuseqartoq sap. ak. arfinilinni atuagarsornermik sapaatillu ak. tallimani sulinermik sungiusarnermik immikkoortortaqarpoq. Tamatuma kingorna sap. ak. arfinilinni atuagarsornermik sapaatillu. ak. tallimani sulinermik sungiusarnermik malitseqarpoq.
Ilinniarneq sulinermik sungiusarfimmi naammassineqassaaq.

Ilinniartuunerit tamaat ilinniartuunersiuteqassaatit. Atuagarsornerup nalaani ilinniartut ineqarfii pillugit allaffissornikkut ingerlatsivimmut KAF-imut Nuummiittumut inissannik qinnuteqarsinnaavutit.
Ilinniarnerpit nalaani ilaquttatit Nuummut ilagisinnaanngilatit.

Sulinermik sungiusarfissat katillugit aqqaneq marluk neqeroorutaapput. Majoriaq sulisitsisorlu suleqatigalugit ilinniartunngornissamut isumaqatigiissusiortoqassaaq. Tamatuma kingorna qinnuteqaat immersorneqassaaq taannalu Majoria-mit Peqqissaanermik Ilinniarfimmut ingerlateqqinneqassaaq.

Qinnuteqarfissaq kingulleq: marsip ulluisa aallaqqaataat